徐榮今日帶埋囡囡徐心怡(包包)、囝囝徐朗，去到紅磡置富都會出席「親子大晒-我的超能老豆」活動。徐榮話包包 o依家20個月大，開始懂得簡單對答，包包對鏡頭同陌生人都唔怯場，但徐榮明言唔會俾包包入行做童星拍劇，徐榮話：「拍劇時間太辛苦，好似今日出嚟1個鐘就可以。」徐榮話將會為包包報讀playgroup，冇計劃俾佢讀名校，只希望佢冇咁多功課，可以享受玩樂時間。至於父親節，會喺工作中渡過，簡單食飯已算係慶祝 。