【中環】做咗人妻嘅車婉婉嫁畀中澳混血兒老公，眨眼已經兩年，咁多年嚟婉婉亦都已經拋開歌手嘅包袱，所以平日都唔介意打扮樸素示人，日前佢跟一名女友人現身中環置地，樸素打扮兼素顏嘅婉婉大約傍晚6點左右喺街頭等的士，由於嗰個時間係中環啲打工仔嘅收工時間，路面相當擠塞，佢哋等極都冇的士，最後就索性走去搭港鐵，相信會更快到達目的地。
採訪、攝影：羅德光