跑谷草，必定要講方嘉柏。今晚（27日）方廐佈下強陣，第七場隻「勢必跑」上場跑嫌短嘅田草1400米，搵位搵足大半條直路，仍然追入第六名，狀態來得好，今場再配羅理雅，重返1650米贏馬路程，表現令人期待。

方嘉柏賽前直指今場是「勢必跑」同「雷公鑿」單打獨鬥之格，個人對「勢必跑」充滿信心之餘，亦識英雄重英雄，稱讚後駒上場大勝三馬位，今季進度幅度非常大，似乎評分仍可上升。

他說：「『勢必跑』喜歡跑偏軟的場地，快活谷及泥地都很合其跑。此馬上場在沙田走勢非常好，拼後狀態更勇，我很滿意。牠今場回師谷中一哩更合發揮，加上最重要是抽得3檔，非常好跑，陣上只要人馬取位順利，將可交出好成績。」