荃灣川龍街48號地下雲記洋服，昨午黃姓老闆遭兇徒追斬，黃妻護夫情切遭斬傷手，案件交由荃灣警區反三合會行動組接手( https://bit.ly/2RBpbrA )。今晨探員登門調查，亦不時有軍裝警員在附近巡邏。黃氏夫婦在店內接受《蘋果》訪問，其中黃妻哭訴被斬傷的手臂仍腫痛，「如果我唔係頂住我老公，佢真係斬到背脊㗎！𠵱家諗起都好驚，好擔心，我哋求助警方，佢哋話唔好攪咁多事！」黃妻聲淚俱下希望警方能早日破案，拘捕兇徒歸案，令他們不再提心吊膽。

90多歲的黃父在荃灣紮根開設洋服店，目前有兩間店舖，分別在川龍街及海壩街，黃父育有四子，昨日被追斬的是長子，他說欠債的是二弟，遭貼街招被指欠債5千多萬元。二弟本來在海壩街分店協助老父經營洋服店，惟三年前辭職，不知所終，自弟弟失蹤後，他在2017年便開始受到追債滋擾，多次被人毆打襲擊，店舖又不時被淋紅油，過去兩年報警超過20次，但警方迄今仍未拘捕兇徒。他在舖頭安裝了cctv拍下兇徒樣貌，昨日持刀斬人的兇徒，亦不時前來洋服店恐嚇黃姓事主。

黃指與欠債的二弟已沒來往逾20年，但兇徒仍咬住他不放，「我哋（與二弟）冇來往，從冇答應過做擔保人，我唔知佢點解欠咁多錢，我哋在明，佢哋在暗，乜都唔知，好無辜，好擔心人身安全！」黃妻說除了他們受滋擾及襲擊外，兇徒亦曾到黃父家恐嚇，嚇得黃父不敢回家。黃亦透露，現時由四弟負責打理的海壩街洋服店，亦曾受兇徒滋擾。黃說：「我哋日日都防範，一直擔心，成日望住門口，希望警方幫我哋...人哋嘅債唔係我哋填。」黃更隨身帶備警報器，倘若遇事就拉響警報器，希望附近街坊聽到可作出援助。

「快啲嚟下載啦！果籽新春〈豬年貼籽-多豬慎入〉WhatsApp Stickers｜bit.ly/AppleseedSticker

10萬蚊 30人分！《動腦Q》新春Q多寶
年三十至初三 3:15pm、10:30pm
豬年動腦，Q多啲money！
http://bit.ly/2QW8LcI

你敢爆，我敢獎！ 立即WhatsApp《蘋果》24小時爆相爆片熱線 或致電：63836568