當年今日
關於我們

準新娘張寶兒笑談一年前求婚經過 認與未婚夫袁偉豪已共同生活

蘋果日報 2020/09/18 23:40

袁偉豪張寶兒

昨晚袁偉豪在網上分享去年向女友張寶兒(Bowie)求婚的片段宣佈喜訊,準新娘Bowie今日在觀塘一幢商業大廈內開工拍劇,大批傳媒守候。約下午3點左右,Bowie在工作人員陪同下見記者,並接受傳媒訪問,未婚的Bowie在訪問中更坦承,跟袁偉豪刻下已步入共同生活的階段。
最初戴住口罩做訪問的Bowie,因戶外太熱最終忍不住脫下,見她手上並未有戴上袁偉豪所送的3卡求婚戒。一臉幸福的她,先接受在場傳媒祝福後,被問到為何一年後才公佈喜訊?她笑謂︰「因為一周年日子比較特別,想同大家分享。」對於一年前在加拿大求婚片段,她邊笑邊說︰「事前都唔知,當時我有時差,就跟佢落去跑步,冇任何planning下就咁發生咗。」
回想當時求婚情況,Bowie笑不攏嘴謂︰「嗰一刻我都唔知佢都有喊,嗰刻好震撼,我成個頭頂好似啲血攻上腦,都聽唔到佢講乜。」在旁有人笑她是否當時集中在3卡鑽戒度?她更笑逐顏開謂︰「我都睇唔到畫面朦晒,同想像中嘅情緒同反應都好唔同,可能當時冇其他人在,所以情緒好震撼,而且聽唔到睇唔到。」問她跟未婚夫袁偉豪是否已同居?她初時有點猶疑,及後才說︰「都……一齊生活。(佢有咩承諾?)就係一個婚姻,以後一齊去行,去建立一個家庭。」Bowie坦言婚後不心急生BB,打算一步一步來。
由於現階段肺炎疫情仍未完全受控,問她疫情影響下,會否影響婚期?她說︰「又唔係好心急,希望大家喺安全、放心嘅的情況下同大家分享。」至於婚禮是否明年舉行?她說︰「仲構思緊,因為大家都比較忙,希望等疫情穩定先,(會否到外地搞?)睇情況,出唔出得去,儀式都會一切從簡,最緊要屋企人同親友一齊分享呢個moment。」
至於今年4月Bowie和袁偉豪聯名以6,500多萬,買入西貢傲瀧一個2千多呎並有私人花園的豪宅,問她該單位是否她的富爸爸送給兩人的結婚禮物?她笑笑口謂︰「爸爸嘅嘢最好都係問返阿爸,我唔清楚。」她還透露該單位已裝修好。
empty
張寶兒今日在觀塘拍劇,見她雙手並未有戴上男友袁偉豪的求婚戒。(蘋果日報圖片)
empty
準新娘張寶兒,因昨晚男友在社交網上載了一年前的求婚片段,今日她成為焦點,被傳媒包圍。(蘋果日報圖片)
empty
昨晚的求婚片中,可見張寶兒戴住3卡求婚戒。(網上圖片)
empty
張寶兒和袁偉豪拍拖兩年多。(IG圖片)
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁