曾主演韓片《愛的綠洲》、《下女》同韓劇《太王四神記》嘅42歲女星文素利，憑《愛的綠洲》於電影節上獲得多個獎項，可以話係韓國女演員中最優秀嘅演員之一。而今日有消息指，文素利將會擔任第73屆威尼斯影展嘅評審之一，成為韓國演員中首名成為威尼斯影展嘅評審。

第73屆威尼斯影展將於當地時間下月31號至9月10號、喺義大利威尼斯舉行，而文素利所屬事務所今日亦確定消息，指文素利繼朴贊郁導演同GinaKi導演之後，第3名韓國人成為威尼斯影展嘅評審，亦係韓國演員中嘅第一人被委任為評審。其所屬事務所補充：「早於2002年，文素利已經憑《愛的綠洲》喺第59屆威尼斯影展獲獎，所以今次能夠成為評審其意義十分重大。」

而文素利之前一直都有擔任國內電影節嘅評審，今次做埋國際電影節嘅評審，再次力證文素利嘅地位同實力。