自傘運後特區政府針對參與者檢控行動一直未有停止，近日律政司就觸發9.28佔領運動的公民廣場案提刑期覆核，令黃之鋒、周永康、羅冠聰等「雙學三子」入獄，令國際社會質疑香港司法獨立，曾任大律師公會主席的余若薇，亦坦言對香港法治感擔心，直指有關判決對很多香港人來說「係一次好大的打擊」。然而余不認同、亦不希望港人覺得法治已死，「你一日越係話佢(法治)無、越係話佢失咗效或者無用，佢就真係越來越無用」，認為港人可以指出判決的法律理據問題，「香港人監察、警剔係需要，但唔好咁早放棄(相信法治)」。

余若薇受訪時指，東北和雙學三子判案後，很多法律界重量級人士紛紛發言，指判決無受政治干預，但說法未能平息香港人疑問，不少外媒亦批評上述兩案判決，認為情況客觀反映「巿民心中係有個秤」。

余若薇指出，「雙學三子」案件中，不少巿民都質疑「點解突然一個無案底、無用任何暴力、無呼籲其他人用暴力、無武器同任何肢體碰撞，亦成個過程中公開畀大家看到，目的亦唔係壞的人，會突然起刑係七、八個月計?」認為判刑明顯與過去有別，而上訴庭副庭長楊振權在判詞中，將佔中視為「歪風」，「個訊息就係話呢個係歪風，同埋要有阻嚇作用，以驚效优，咁你話我知呢個唔係政治訊息，係乜嘢訊息呢?」

余又指取消議員資格的案件中，人大在香港法院未完成審判已釋法，香港法院亦一改過去對釋法的抗拒態度，由過去自行演澤引用人大釋法的範圍，變成現時照單全收，「人大釋法變成香港法統的一部分，統哂我地去，成個金剛圈咁笠落嚟，你係無乜選擇，就算我地法官點樣想獨立都好，因為人大釋法一句已解釋咗」。

對於大律師公會和律師會過去發聲明，指法院上述判決無問題，余若薇則說:「我唔知道好多團體，或者佢唔發聲明，或者佢地的取態，係咪因為覺得呢個社會，你爭取都無用，所以加重咗無力感。但我覺得其實咁樣，你咪仲快啲沉倫?」

記者 林俊謙