田啟文同錢小豪今日喺將軍澳出席電影講座，剛欣賞完電影《翠絲》嘅錢小豪，佢大讚香港電影嘅自由度好高，「如果呢部戲喺國內，唔使旨意，甚至乎我嘅殭屍系列都唔使旨意，其實我哋嘅電影題材可以去到全世界，我覺得開心係香港仲有唔同嘅聲音、唔同嘅題材可以畀到全世界。」

講到姜皓文演繹跨性別人士，錢小豪話：「我覺得佢成功，佢喺拍之前做咗好多事前準備功夫。」問到佢哋會唔會抗拒接演呢類角色？錢小豪話：「我又唔會抗拒，只係擔心唔夠說服力。」田啟文表示作為演員應該要去嘗試，佢笑住話：「啲導演唔會諗我哋，黑仔（姜皓文）唔同，佢反差夠大。」

此外，談及資深導演蕭偉強追思會，田啟文表示：「12月12日喺九龍殯儀館舉行，我哋已經聯絡咗佢老婆同個仔，佢個女仲未搵到。」

精選娛聞，喺晒《娛果》
http://fb.com/appledailyent