又到月結時間，9月港股表現差勁，恒指全月跌7%或1800點，各板塊都散哂，真係好難好難炒！不過，「投資王擂台賽」選手真係超勁，善於在細價股火中取栗，雖然只是虛擬倉，但能夠跑贏大市幾百條街，點都係勁！散戶冠軍改咗個勁啱聽嘅名，就係「各位股民！請支持！和平佔中！」，300萬虛擬本金，單月贏足800萬，總資產1,109萬元，回報2.7倍！第二名為「牛逸逸」，總資產951萬元，回報2.17倍。領先咗大半個月嘅「喇沙仔Lasallian」，因尾段略為失策，最後得第三，總資產950萬。第四及第五分別為PadmaChandra及PoloHT95，回報分別亦達2倍。經核實身份後，各人將可獲取Citibank送出的獎品。

星級玩家方面，首名個名又係勁啱聽，就係「打倒可恥摧淚彈政權，佔領中環爭取民主」，總資產792萬元，回報1.64倍，恭喜哂！