姊妹組合2R前晚與唐詩詠於銅鑼灣出席迪士尼小熊維尼紀念版手機揭幕禮，每人獲贈1部手提電話，還興高采烈地抱着小熊維尼公仔拍照。2R昨日已返回新加坡，提早與媽媽慶祝母親節，問她倆送甚麼禮物給媽媽，Race說：「送呢部電話囉，唔知送乜好嘛。」問會否送給父親時，Rosanne謂：「我唔使用咩？用完先算啦。」

女兒做擋箭牌

2R最小的妹妹在美國讀書，母親就留在新加坡，問到為何不接父母來港住，Race說：「養唔起佢哋呀，養掂自己先啦，有錢都想叫佢哋退休，買層樓畀佢哋住，爸爸想要法拉利，我要儲錢達成佢心願。」Rosanne卻說：「係都實現自己願望先啦，就係養自己。」
Race又說：「我願望係搵個男友，好似小熊維尼咁有肚腩仔都有內涵。」Rosanne聞言道：「乜你啲口味唔啱我㗎。」
問Race是否覺得靚仔冇本心？Rosanne搭口說：「講緊我Daddy呀？佢係絕對靚仔，有艷遇㖭，有女仔想識佢，佢就畀我哋啲相佢睇，嚇親個女仔以為我哋係佢女友。」
採訪：王連連
攝影：陳俊強