葉劉獲親北京陣營力撐，其實論「牙力」，陳太可能仲勁。有人同八方重提一段往事，話說05年底，中央政府喺北京舉行抗日戰爭勝利六十周年紀念酒會，由於陳太祖父方振武為國民黨抗日名將，所以佢獲邀上京。
當日唔少領導人到場，包括統戰部部長劉延東，據稱佢同陳太幾好傾，其間國家副主席曾慶紅趨前打招呼，仲叫陳太多就特區事務發表意見，更強調中央會好尊重佢意見。領導人一言九鼎，點解下面啲人好似聽唔到咁呢？雖然曾慶紅退落嚟，不過劉延東仍然在位，唔通國家政策改咗，要繼續冷待陳太？