蔣怡（CoCo）同老公翁狄森、黎燕珊、朱慧敏等，今日喺上環出席服裝店Yi-ming開幕，CoCo大讚品牌嘅旗袍時尚，係忠實擁躉，佢笑指自己好鍾意同囡囡母女裝，問到會唔會考慮再生？CoCo堅拒話：「唔會嘞，老公事業心強，除咗個女，佢嘅品牌係佢最鍚嘅，女係我照顧，佢唔係太多時間畀小朋友，係唔再生住，因為兼顧唔到。」原來快將4歲嘅囡囡翁容，經常同爹哋爭寵，CoCo笑話：「爹哋抱我錫我嗰陣時，嗰女就會呷醋，發脾氣，喊同唔開心，佢兩個會一齊爭我，試過一人抱住我一隻大脾喊，老公當然係扮嘅。」CoCo話同老公啱啱去完峇里慶祝生日，難得過二人世界。

另外，黎燕珊今日正日53歲生日，佢話：「仔女之前同我慶祝，佢哋送咗油畫同手錶畀我，希望個仔考到心儀大學，佢讀犯罪學，大個想做督察，諗嘢好正面。」