魔術師劉謙同舊愛李蘊各自搵到另一半，越來越高調；而劉謙前晚喺台北亦同富家女友、中國厲家菜餐飲嘅千金王希怡十指緊扣，喺微風廣場行街。

劉謙同王希怡先喺一樓行名店，跟住就上咗五樓睇書，不過兩個人嘅手就從未放開過，睇書都唔例外。睇睇吓嘢，忽然情到濃時要攬實。

之後佢哋到樓上逛雜貨店，王希怡情到濃時忍唔住攬實劉謙。不過好快佢哋就發現有記者影相，兩個人就急步去停車場攞車離開。