【新增相片及內容】
韓國神劇《太陽的後裔》兩位主角宋仲基同宋慧喬將於下月31號結婚，兩人繼之前飛咗去美國影婚紗照後，近日就被發現飛咗去法國巴黎，唔知係預支蜜月定再去影婚照。

而今日有網民就喺法國Le Bon Marche商場，網民指自己偶遇宋仲基同喬妹，表示：「我們在同家店（Loro Piana）同一條道擦肩而過，我居然低着頭看衣服沒看到，出了門才注意到是他。」網民亦有成功拍得雙宋背影，只見去到外地嘅雙宋就唔再避忌，喬妹仲好小鳥依人蹺實宋仲基行街街，認真sweet到爆。

另外，有唔少粉絲都得知雙宋喺巴黎，所以佢哋自然睇實會唔會見到雙宋，有網民就見到宋仲基喺街頭，仲話喬妹喺前面。