古天樂、吳鎮宇、袁詠儀主演的黑色幽默電影《家和萬事驚》，今日喺觀塘月華街公園舉行開鏡拜神儀式，同場出席還有監製、編劇兼演員張達明、導演邱禮濤、鄭丹瑞、江美儀及麥長青等。

故事講述香港土地問題，一家人失去了房屋唯一的窗外狹窄海景後，在感情不和及房屋貶值的情況下，如何展開烏龍搞笑的復仇殺人計劃。《家和萬事驚》中的忠厚老實一家之主（吳鎮宇飾）為了將財富保值，不惜挪用所有積蓄和父親的棺材本，買下周邊嘈吵且高樓齡的一層樓，與神經過敏的妻子淑賢（袁詠儀飾），失業廢青兒子（吳肇軒飾），發育中女兒（蔡頌恩飾）及不良於行的老父（張達明飾）同住供樓捱窮，兒女長大，自然出現生活困難和壓力，這個怪家庭小事就變家嘈屋閉，幸好全家人從客廳中唯一的一扇窗，望向遠處的罅海美景，重拾寧靜。但係有一日，佢哋發現海景被前面大廈天台屋僭建廣告牌擋住，失去海景，盧家有如到咗世界末日，爭吵不絕。為保家庭安寧，盧家出盡招數要將天台僭建和屋主古天樂趕盡殺絕。

張達明對古仔讚不絕口，難得首次與古仔合作，又有酬勞逗，張達明今次扮演老翁，全程坐輪椅拍攝，達Ming話：「原先冇諗住演，今次係吳鎮宇叫我拍，我手腳都麻痺，我個戲都係做呢個角色，橫豎之後都要坐輪椅，o依家試吓先，啲頸紋都係真，冇乜演員有。」達Ming指原先舞台劇版其角色是女演員，當年在舞台劇界更奪得最佳女配角，對於是次能否發揮問鼎獎項，達Ming指：「今次睇古仔帶住我哋啲戲，佢有幾場戲都好勁，有幾場戲諗住嚇佢，調轉俾佢嚇番，好感動。」古天樂指《家》片係反映社會現狀o既黑色幽默故事，而故事改編自舞台劇得獎作品故事，古仔話：「今次同張達明合作已經係好大o既發揮，今次冇女演員伴我，我主要係同藝術品拍。」古仔表示，正籌劃聖誕嘅家族旅行。

久未拍攝電影的袁詠儀，相隔十多年後再與吳鎮宇合作，靚靚指雖然是撐監製達Ming，但沒收順片酬，鎮宇笑言：「達Ming都做到監製，老闆一定好有錢，又唔係達Ming投資，唔使收順啲。今次可能係佢監製或復出最後一部戲，所以都碌晒人情咭，好似拍賀歲片陣容。」袁詠儀話：「除咗鍾意齣戲劇本，主要想再同鎮宇合作。」鎮宇話：「個個女演員都係咁講，食過翻尋味。」靚靚話：「仲要舐舐脷。」

更多娛聞，喺晒《娛果》
http://fb.com/appledailyent