人稱米高的鄭俊偉今季取得10W，距離上岸尚欠六場，在餘下季內三分一賽事要追數，鬥志肯定百分百，有餐士的參戰馬必定把握機會。

下周一（2日）沙田日馬賽事，麾下第八場「嬴風雲」走勢復蘇，最近兩次跑1400米，排在14檔劣勢下，僅飲恨個多身位落敗於頭馬，可見牠的狀態已經到位，今番操足捲土重來，牌面計絕對有得揮。

再睇今日（29日）晨課，「嬴風雲」由炒飯哥羅理雅策騎往大跑道拍跳800米，由伴跳馬在前領放，「嬴風雲」從後遂步追趕，後勁凌厲，勇態撩人。

課罷，米高鄭在機坪聽取騎師羅理雅匯報後，忍唔住笑咗出嚟，便知佢對馬匹狀態有幾咁滿意啦！

今次排3檔起步，檔位內移形勢轉利，列陣第八場四班田草1400米，有班利兼排靚檔，再戰強項路程，爭勝條件大大提升，米高鄭唔搏命爭成績勢係假。