收看下集:
【黃店拯救隊 EP1（下）】踢館龍門！盧覓雪品評改造版芝士撈丁 +「鎮店奶茶」：茶依然唔夠香

----------------

龍門冰室，是近大半年最常聽到的餐廳名字，除了夠黃，網民更多的是投訴餐廳食物的味道，是黃店中的「難食之首」。為了拯救黃店，我們特別請來兩位飲食界專家「調教」一下老闆張俊傑，還邀請到出名識食的星級嘉賓盧覓雪親臨踢館，究竟張老闆會否招架得住？

拍攝前，為了讓張老闆了解龍門冰室的食物質素，特意請他蒙面喬裝潛入餐廳拍攝，張老闆戴上口罩和太陽眼鏡後，沒有夥計能把他認出，「上一次喺銅鑼灣巡舖，係兩個月前嘅事，其實我有睇facebook，睇到好多人都話食物越嚟越難食……我曾經搵開國功臣返嚟整頓，點知之後又打回原狀。」張俊傑續道：「其實我都要負上責任，我冇好好巡舖，近來亦將精力完全集中喺資源分享中心。」

我們立即點來三個菜式，分別是沙嗲牛肉公仔麵配奶油多、芝士吉列豬扒撈丁及咖喱吉列豬扒飯，再加兩杯熱奶茶。起初張俊傑仍然自信滿滿，認為出品不會有大問題，一試之下，食品質素直線「仆直」，沙嗲牛肉沒有花生味，奶油多落錯單變油多，芝士吉列豬扒撈丁毫無芝士味，更過份的是咖喱是冷的……眼見張俊傑由滿懷希望的表情變得呆滯，我們便跟張老闆道出是次採訪的目的，更帶來兩位飲食界猛人，分別是「餐飲宗師」吳永皓，以及2017年國際金茶王大賽（北京區）冠軍得主Nelson，為冰室診症，出手救龍門。

廚房勁馬虎　「仲出嚟獻世」
吳師傅甫進廚房，便發現廚房運作錯漏百出，簡單一盤滷水雞翼已知龍門廚房做事馬虎，「一開始我問張老闆滷水雞翼浸咗幾耐，佢話20分鐘，咁就錯晒啦，雞翼浸咁耐一定爛，先唔講時間，既然你認為20分鐘係啱，就應該準時撈起雞翼，我喺裏面超過25分鐘，啲雞翼仲未撈起，你話死唔死！」

未久，吳師傅走到咖喱汁盆，聽見我們吃到冷咖喱後，他便說：「邊有可能直接將雪好嘅汁直接加入鐵盆？梗係要分開加，坐返熱佢先出畀客啦！」吳師傅盛怒補充：「聽聞佔領理工大學期間，張老闆你就走入去校園教整咖喱，叫班學生跟我學好過啦，仲出嚟獻世？仲有呀，芝士撈丁個芝士汁薄到咁，你整個芝士撈丁，起碼睇落去要有芝士嘅質感，而家成個白汁咁，人哋會以為你連白汁同芝士汁都分唔清，你真係好失敗！」

綜合吳師傅的觀察，他就列出了龍門冰室三大的罪狀兼改善方法：第一汁水唔似汁水，他建議張老闆要將汁水一拼納入中央工場烹煮，減少味道誤差；第二，打工仔偷懶亂煮就難以避免，應該建立內部清晰的人事晉升制度，或請個信得過嘅經理管理，提升店員的積極性；最後就是奉勸張老闆，唔好搵咁多藉口，勤力啲巡舖。

冇撈茶習慣　靚茶葉都死　
龍門冰室的鎮店之寶──熱奶茶也出事。金茶王Nelson表示，龍門冰室的奶茶出現質素不一的問題，「我先後去過三間龍門分店，亦飲過其奶茶，有啲質素真係差啲，根本冇茶味！」Nelson走入水吧查看水吧夥計沖茶實況，發現冰室購入的茶葉是市場上中高價的拼配茶，便奇怪為何在有「靚茶葉」的情況下，仍會沖出一杯難喝的奶茶，「最後我發現到兩樣嘢，第一茶水師傅上、下更沖茶手法不一，第二，佢哋都冇撈茶嘅習慣！」張老闆則尷尬表示，從來也不知道拼配茶需要撈起……

拼配茶有三大元素，就是粗茶、中粗及幼茶，將配好的茶葉放入在容器儲存一晚後，爆出的茶味和茶色關鍵──幼茶葉就會沉底，若取茶葉時沒有先拌勻，就只會取出最上方的粗茶葉，在幼茶葉不足的情況下，撞茶時就無法爆出茶色和香。張老闆要留意喇！

記者：鄧偉傑、林京賢
攝影：黎家駒、羅捷豐

點擊瀏覽下集內容：
【黃店拯救隊 EP1（下）】踢館龍門！盧覓雪品評改造版芝士撈丁 +「鎮店奶茶」：茶依然唔夠香

-----------------------------
抗病經歷・醫護報料
歡迎分享到《健康蘋台》報料專線： https://bit.ly/2vPHzrT
-----------------------------
兩小時煲好防疫湯水食譜 8款湯水食材貼士
《提升免疫力 防疫湯水全集》在家也可輕鬆防疫
-----------------------------
立即去動物蘋台 ，飽覽主子大小事！
-----------------------------
App內1-Click訂閱《蘋果動新聞》
按此了解更多