屯門花tee男擸架餐毆青年 反被圍攻扑穿頭
屯門
屯門周三(17日)下午發生大混戰,一名身穿花tee的男子手持木棍沿馬路追打兩名青年,其後被青年的朋友趕至圍毆受傷,蜷伏在地上被亂棍施襲近10秒。
下午3時許,讀者劉先生駕駛私家車沿井財街行駛,至金銘大廈附近燈位時,見到兩名青年被一名穿花tee的男子持棍追打,「有一個走咗入隔音屏,好似着校服嘅嗰個就俾個男人捉住喺馬路度打,打到背囊都跌喺地下」。
花tee男眼見青年兩名朋友趕至,意圖跑離現場,惟他突然失足,仆倒在地上,被尾隨跑至的兩人包圍,並持棍狀物瘋狂圍毆,而疑似穿校服的青年坐在路邊休息。
青年的兩名朋友趕至,持疑似伸縮警棍將花tee男包圍狂毆。讀者提供
從劉先生提供的車cam片所見,花tee男蜷伏在地上被亂棍施襲近10秒,其後有駛至現場的熱心司機落車喝止,甚至意圖捉拿其中一名施襲者,惟最終被他們掙脫逃走,跑離現場。「後尾追上嚟嘅嗰兩個人,有一個係南亞,佢哋好似拎支伸縮棍出嚟係咁扑,扑到個男人爆晒缸。後尾佢哋走晒,我有落車問個男人使唔使幫手,佢無應我,之後仲走埋」。
警方表示,周三(17日)下午3時許,一名年約20至30歲的男子,於屯門青杏徑被4名男子圍毆,警方到場時未有發現傷者,案件暫列傷人,未有拘捕任何人。
-----------------------------
你敢爆,我敢獎! 立即Signal 63836568、
WhatsApp 《蘋果》24小時爆相爆片熱線
-----------------------------
-----------------------------