【殺出重圍】候選佳麗15強轉Look 黃嘉雯蕩失路遲到
蘋果日報 2019/07/08 10:58
黃嘉雯黃詠柔楊穎彤蔡嘉欣
2019年度香港小姐競選早前進行面試，一眾打扮花枝招展的美女落力展露美貌與自信，所謂各花入各眼，最終15位候選佳麗成功入圍，幾個大熱門佳麗亦成功殺出重圍，她們今日分開兩組，到又一城或銅鑼灣一間髮型屋整造型轉新Look。
大熱門候選佳麗蔡嘉欣、黃詠柔及楊穎彤最早去到又一城整頭，她們異口同聲表示：「今日整頭唔知有冇得畀意見，一切都唔清楚，今日我哋第一站。」傳身上有紋身的蔡嘉欣，問到關於身上紋身，她回應：「呢樣嘢留待大家喺泳裝環節留意，至於今日整頭唔擔心，之前嘅佳麗都整得好靚。」
最遲去到髮型店的姚羽嘉及江雨亭，比原定十點時間遲了20分鐘，大會解釋二人因為要搞visa，所以遲了少許，大會本來稱今年有14位佳麗安排今日整頭，眾人於下午兩時完成整頭，會乘坐專車返回電視城作準備，後來大會再更正第15位入圍佳麗是古佩玲 (Kelly）。
第15位入圍佳麗Kelly下午才現身，她稱大會安排她下午來到，但沒安排為她整理髮型，Kelly說：「我call time係下午，係噚日一齊通知，今日冇安排我整頭，安排我第二日整，唔知原因，但係公司安排。我冇其他合約衝突，自己喺多倫多大學讀緊Media二年級。」
至於早前參選港姐的「城大呂慧儀」Hailey被《蘋果》爆面試後解放激咀陽光男，今日未有現身，估計複試時被out！