狄易達今日喺商台宣傳新EP《擁抱》，已有兩年冇出碟嘅達仔，佢話有一段時間怕冇機會出碟，因為有意見分歧，好多人認為做串流音樂，唔使做實體碟，佢話：「但我好鍾意實體碟。」

問到銷量如何？達仔話：「印得好少，印咗1,000張，今次嘅歌曲搵到我鍾意嘅風格，以往狄易達係跳跳紮，但今年就企定定，比較穩重啲。」係咪因為女友吳亞馨嘅關係？達仔甜笑話：「係後來一個原因。」

咁女友有冇買碟？狄易達指女友已經有。問到有冇過台灣同女友過聖誕節？佢話：「佢嚟咗香港，我下廚煮少少大餐。」女友食完有乜評價？佢表示：「因為環境好好，我哋喺studio食，我放咗一張枱喺中間，佢話OK，好食。」有冇送禮物？達仔指好早已經送咗。