曾經效力阿仙奴同AC米蘭嘅法國中場法米尼雖然喺足球事業方面嘅發展普普通通，上季約滿水晶宮之後要等到今年二月先以自由身形式喺基達菲落班，不過佢喺球場以外嘅發展就似乎唔錯。

法米尼而家係一間專門製造石油代替品嘅化工公司其中一位合伙人，而且公司一直都發展得唔錯，呢位34歲中場嘅身家隨時仲多過部份當打嘅球星。

不過法米尼最近接受法國《隊報》訪問時就話自己唔係外界所講咁有錢：「我一定要澄清，我銀行戶口絕對冇300億歐元咁多，呢個數字只係反映咗我間公司嘅市場價值。」

不過法米尼間公司成立咗10年，已經成為唯一一間成功直接喺生物提煉燃料嘅公司，將來肯定大有作為，隨時有錢過美斯同C朗㖭呀！學「渣渣輝」話齋「你而家冇但將來會有」吖嘛！

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM