當年今日
關於我們

【韓流】被稱為「雕刻美男」 趙寅成:呢啲稱號已交畀金秀賢

蘋果日報 2014/12/11 06:00

趙寅成

韓劇《沒關係,是愛情啊》男星趙寅成早前接受訪問時,問到對於被稱為「男神」同「雕刻美男」,會唔會感到負擔時?佢回答:「呢啲稱號已經交畀後輩,好似金秀賢同李敏鎬等。」佢又話自己0依家為咗可以好好咁老去,而要保持正面想法,同埋好好心態去生活。

早前趙寅成喺一項「一起醃泡菜,不會感到辛勞的丈夫人選」排名中,趙寅成僅次於「國民MC」劉在石排第二名,趙寅成講笑咁話:「果然係無法戰勝劉在石,排名喺佢之後,已經感到好榮幸。」

趙寅成又提到《沒關係,是愛情啊》中,另外兩位男星李光洙同D.O.,爆料最近成日一齊飲酒,仲話自己嘅酒量係:「韓國燒酒嘅話,一瓶半下肚就剛剛好。」不過有粉絲就問:「係一人一瓶半,定係三個人一瓶半呢?」