雖然「瑞士天王」費達拿為咗休息多啲而放棄泥地賽季，不過咁多位球迷等多10日左右就可以睇到佢比賽喇！費達拿周五宣佈，將會出戰6月12至18日舉行嘅斯圖加特網賽，作為今年嘅草地賽季嘅第一擊。

費達拿現時喺瑞士蘇黎世進行練習，而佢除咗出戰斯圖加特網賽之外，亦會出戰今個月19至25日舉行嘅哈雷網賽，為7月3日長開嘅溫布頓網賽做準備。