曾在無綫擔任總經理的陳志雲昨晚在賽馬會綜藝館舉行「志雲尋志雲 登陸舞台演嘢會」，早前志雲接受《蘋果》專訪，對於今次演出，他說：「其實今次係有雙重意義，除咗係60歲之外，亦希望觀眾睇完之後，就算係唔同年紀都可以去追尋自己夢想。」
志雲笑稱自己的人生每一刻是精采，例如當年在無綫工作，不過就算有否發生涉貪事件，他坦言依然有所轉變：「事實上嗰陣我去完南極之後有好大反思，我都會諗吓人生下半場會點過，再想做啲乜。」他還說：「人生有好多嘢係唔知，就算好後生都可以聽日唔見咗，希望把握每一秒，活到最精采，唔好有遺憾。」

陳志雲昨晚開騷請來前財政司長曾俊華到場，更與他玩《百萬富翁》，問到曾俊華當年派6,000元，受惠人數多，但行政費用只用2億，現在政府用3.3億，但受惠人數少好多，曾俊華表示︰「我唔明你哋總喺人哋傷口灑鹽。」嘉賓田北俊就暗寸前特首梁振英小器。
採訪：何慧斯、盧妹
攝影：沈健程