坐擁逾20億身家的「鞋王」鄧劍群，因不滿三奶李姿霆（Karen）投向港男黃長發懷抱，大前日入稟向Karen追討過去交往期間，先後送贈的多個物業，實行要Karen承擔選擇自由付出的代價。
可是鄧劍群的法律行動，並沒打散Karen和黃長發這段姊弟戀，相反二人感情日趨穩固，繼女方前日揶揄鄧劍群為人小器後，黃長發昨日也力撐女友，言語間不滿鄧劍群的行為。

Karen和黃長發感情穩定，二人分別唱雙簧向鄧劍群還擊，黃長發昨日在電話中說：「我覺得男女朋友關係，明明係送咗禮物畀人，但分手又收番，咁樣好有問題。其實Karen俾人追番物業呢件事唔關我事，但作為男友，我不值佢俾人蝦，我相信件事去到法庭，個官會公正處理，我家可以做嘅係安慰Karen，叫佢唔好擔心。」
黃長發續說：「我只係覺得世界上有好多人，有啲人大方，有啲人好cheap。佢又唔係冇錢，點解要蝦一個女人？」
鄧劍群已向Karen作經濟封鎖，她只得利用積蓄養女，萬一Karen的物業被收回，黃長發可會肩負養Karen和鄧劍群育有的5歲女兒？黃長發說：「其實個女唔係姓黃，係姓鄧，鄧生係BB個爹哋，生得出就有養育責任，我有能力都會照顧佢哋。」
採訪：比華利