【唔係搲贊助】胡杏兒主動提出借婚紗 經理人否認苟芸慧講過「垃圾」
垃圾胡杏兒苟芸慧發酵Kev
苟芸慧忍了一個星期,今日終於要爆喇!曾與胡杏兒夾份開設自家品牌婚紗店的設計師姚子裕(Kev Yiu),周一(16日)在社交網撰寫長文,指有女藝人要求贊助後,又私下向人抱怨他的黃色裙設計是「垃圾」,還說:「丁點也不會給他作宣傳」、「要不是我穿上他的設計,根本沒人知道誰是Kev」。Kev事後已刪掉文章,但又忍不住說:「又衰抵唔住頸。」
苟姑娘連日都沒有回應,只在IG似有所指:「如果心胸不似海,又怎能有海一樣的事業~共勉之。」至於是否當中女主角,Kev和苟姑娘一直未有明言。
今日苟姑娘終於透過經理人若蘭回覆《蘋果》,承認苟姑娘當日是透過胡杏兒跟Kev合作,暗示自己不是「搲贊助」,她說:「因為苟姑娘認識杏兒,杏兒知道佢要結婚,就話可以幫忙design婚紗裙,但杏兒中途退出咗間公司,之後雙方都係由公司同事去follow up件事。」她坦言苟姑娘一直不想回應,但事件繼續發酵,亦希望平息風波,她說:「結咗婚成年,真係唔明點解有呢啲新聞出現,所以冇特別回應。」
問到苟姑娘有沒有向別人提及「垃圾」二字?若蘭說:「苟姑娘都唔係呢啲人,識得佢嘅人就知道佢好簡單,如果唔鍾意條裙,當日就唔會着啦,今次回應,係希望大家唔好再有揣測。」會否跟Kev聯絡解釋?她說:「我諗唔需要。」會唔會考慮告對方?她說:「要問吓律師,不過對方又冇指名道姓,唔想對號入座。」
-----------------------------
《2019高級珠寶鑑賞誌》
點擊即睇過百款鑽飾名錶 -----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇 杏兒幫手牽線贊助婚紗裙,當晚亦與老公一齊出席婚宴。(IG圖片)
Kev曾與杏兒夾份開婚紗店,杏兒之後退股。(IG圖片)
苟姑娘搣住姪仔面珠,並Hashtag「#己所不欲勿施於人」。(IG圖片)