【新增內容及圖片】
由韓國影后金惠秀孖影帝劉亞仁以及趙宇鎮等人主演嘅韓國電影《國家破産之日》，已於大前日喺韓國上映，開畫以來票房都十分理想，一直穩坐票房冠軍。

《國家破產之日》噚日單日引逾24萬名觀眾捧場，累計觀影人次達74萬，預計連埋今日票房將破百萬人次。而今日金惠秀、劉亞仁等人就到首爾龍山區龍山CGV進行舞台問候，同時答謝觀眾嘅支持，佢哋仲有行近觀眾席前同粉絲握手。

《國家破産之日》講述1997年面對金融風暴衝擊下，韓國從政府到民眾面對是次危機中不為人知嘅秘密。

另外，韓國時間今日下午4時，喺上映第四日，《國家破產之日》累計觀影人次已破100萬，一眾演員亦拍下認證照賀票房報捷。

精選韓流，喺晒《娛果》
http://fb.com/appledailyent