苟芸慧今日出席Openrice活動，苟姑娘有份演嘅《金枝慾孽貮》，比網民批評廣東話差又難聽，佢話當中好多四字成語平時少聽，講對白會辛苦啲，自己會虛心學好中文，佢話依家都有學緊中文，希望快啲進步，又話冇唔開心，因為講得好啱。

而講到伍詠薇放咗同佢影嘅床照上微博谷宣傳，苟姑娘話唔介意，同伍姑娘係好姊妹，提到鄧萃雯轟個劇難明同零劇本，苟姑娘就話自己明個故仔，相信雯女唔係咁意思，佢話係有少少飛紙仔，不過係有一定劇本嘅。

另外，香港電視話事人王維基今日冇接受訪問，問佢發牌進展同有冇睇《金》劇，佢都話唔講，即刻入場。