當年今日
關於我們

安仔求婚三寶跪得Sammi歸

蘋果日報 2013/12/28 00:00


【新城勁爆頒獎禮2013】抱住驚驚哋心態求婚成功、最終抱得鄭秀文歸的許志安,前晚在新城勁爆頒獎禮橫掃4獎後出席慶功宴,首度開腔公開求婚過程,他挑選鄭秀文的41歲生日夜,抱着真誠態度做足求婚三寶:鮮花、鑽戒及跪地,於彼此幸福淚水中邁入人生新階段。至於擺酒事宜,安仔尊重老婆說:「睇佢啦,始終女仔。」洋溢疼愛之情。
本報日前披露許志安跟鄭秀文(Sammi)上月30日於峇里秘婚,喜事曝光後,安仔跟Sammi繼續出雙入對晒恩愛,兩人近日一直等機會親自分享喜訊,適逢聖誕佳節,兩人停工享受二人世界。前晚Boxing Day安仔到灣仔會展出席「新城勁爆頒獎禮2013」,橫掃4獎的安仔縱然在台上被新城高層朱明銳逼供說:「你今晚一定要交代喜訊!」但安仔仍堅持以笑避談。
empty
安仔昨凌晨出席新城慶功宴時,看來如沐春風。
直至昨凌晨安仔出席慶功宴,才一次過跟傳媒分享喜訊,臉上流露幸福之情的安仔,聽到傳媒連番恭喜時,忍不住笑說:「多謝、多謝!好少做訪問咁嘅。」問到求婚經過,安仔說:「好平靜咁樣,但係好真誠咁求婚,事前準備咗啲嘢,所有人做嘅嘢都會做,嗰晚佢生日,跟住就試吓囉。」安仔坦言事前不知Sammi會否應承,抱着驚驚心態去做,他又特別挑選Sammi的41歲生日夜,做足求婚三寶:鮮花、鑽戒及跪地,於幸福淚水中雙雙步入人生新階段。
empty
鄭秀文
同居生活融洽
終於求婚成功,問到Sammi有否感動落淚?安仔回味說:「都有,我都有。」明年在港擺酒?安仔說:「暫時未有呢個諗法,睇佢啦,始終女仔。」安仔強調跟Sammi於簽字註冊等事上有共識,一步一步來,現時心情似拍拖般開心。他又主動指上月尾峇里之旅是兩家人的家庭聚會,慶祝求婚成功,問到可有任何儀式?安仔說:「食飯,冇乜特別,不過值得高興。」
empty
安仔於慶功宴上分享求婚過程,相當大方。
empty
安仔(左)獲朱明銳送上結婚禮物,令他喜出望外。
安仔直認與Sammi有共識同居一齊生活,亦已習慣了:「當時佢(Sammi)啱啱搬屋而搬入嚟住,事實呢個係有幫助,因為大家未咁樣相處過,雖然短短幾個月,令我好舒服,可以好融洽。」追問會否生B?安仔指是太長遠的事。
採訪:馬建華、王連連
攝影:仇志德、陳順禎
戲裡戲外,話題最強,立即收睇《動戲場》:
http://hk.movies.nextmedia.com/extra/list/