09年最上鏡港姐袁嘉敏早前搶盡風頭，拍電影《鴨王》半裸露34D上陣，任由Dominic「服侍」，拍完出現「漏片」事件後，袁嘉敏曾經呻過收得廿萬，臨時被拆6場床戲，袁嘉敏自爆當時喊到手震，更疑「一脫憂鬱」（新聞連結： http://bit.ly/1FOGWLk）。

今日有周刊問起袁嘉敏曾因為露點片喺網上漏出，導致壓力爆煲一事，據報道講，其實係片中一場臨時加插的6P激戰戲先係最大「元兇」。

該周刊更引述知情者講，袁嘉敏早喺拍攝嗰陣，情緒已經唔係太好，合約原先係講只怕兩場露點戲，點知開拍前佢試咗好多套戲服，點知啲衫著唔夠十秒就要除，臨時仲被加咗四場露點戲，有傳袁嘉敏本來都頂硬上，點知當佢知道有場，對手由一個變五個，忽然係「6P激戰」，袁嘉敏情緒就接近崩潰，因為嗰陣冇劇本，袁嘉敏又除晒衫喺度等，望住現場有十幾個工作人員圍住睇，袁嘉敏即爆喊，連工作人員都嚇親。

報道亦曾問袁嘉敏拍6P戲喊爆一事，袁嘉敏講當時的確係冇呢一場，不過係導演叫佢喊，所以佢一roll機先爆喊，袁嘉敏冇諗過人哋以為佢真係喊。真喊又好，假喊都好，總之佢拍完《鴨王》後，目前繼續人氣急升，最近秘密復工，又接咗廿場內地商演同酒吧騷搵人仔，周刊更指，袁嘉敏上個月去咗泉州唱王力宏首《ForeverLove》，成程唱極都唔啱音，不過袁嘉敏依然表現得好投入，仲同台下啲人握手、派簽名相，據聞當晚有男酒客想箍實袁嘉敏影合照趁機抽水，好在袁嘉敏閃得快。

袁嘉敏為咗keep好身段，早前晨早七點起身去咗母校香港大學後山跑步個幾鐘，唉!身為港大畢業生嘅袁嘉敏上年拍三級片，一度被網民罵佢敗壞校風，據知當日袁嘉敏跑完步，就算成身大汗都照著番件背心，先敢行入母校買嘢飲，睇嚟佢都好重視母校嘅!