楊秀惠今日於觀塘出席父親節活動，佢著上粉紅色低胸裙，大騷三吋事業線。對於圈外前男友麥偉汶(Ray)早前被影到帶沈卓盈食飯見家長，楊秀惠就傻笑話：「唔關我事，今日我哋唔講呢啲。」

咁問到Ray有冇帶佢見過家長時，佢就話：「食飯大家都要食架喇。」佢同時都唔執輸，表示身邊亦有追求者，早前被爆同葉姓有米新歡打得火熱，仲喺半山同居，秀惠話﹕「目前仍在觀察了解當中，我都唔心急。」

秀惠表示原本打算返馬來西亞過父親節，但臨時有工作，最後取消咗，佢話﹕「唯有靠阿妹代為慶祝，但就一定會送禮物。」問到父親有冇催促結婚，佢話：「咁又無，佢依家都好忙，因為要湊孫。」


有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange