【短片】徐子珊上身 洛賓玩炸彈爆破
蘋果日報 2014/06/30 06:00
FINA跳水世界盃未開鑼，今個世盃已常見插水動作。- 洛賓好鍾意插水，動作似足俾炸彈炸到飛起。
- 徐子珊爆破場面假到暈，但動作似足洛賓。
- 尼馬演技都係一流，七情上面最叻！
- 費特禁區無啦啦跌低，演技派球員是也。
- 蘇亞雷斯咬完人仲要扮無辜掩嘴嗌痛。
FINA嘅跳水世界盃（DivingWorldCup）要到7月中先喺上海開鑼，但4年一度嘅足球盛事巴西世界盃，都一樣有diving睇，之唔係睇一班球星玩「插水」囉！洛賓喺16強出色嘅演技，成功喺補時階段博到12碼，最後幫荷蘭2:1險勝墨西哥，但佢嘅插水技倆就成為賽後熱話。
「球場演技派」球員又點止得洛賓一個，好戲之人根本就數都數唔晒！洛賓賽後向大家道歉，話自己上半場事實係有插水，但眉精眼企嘅球迷，當然知你講緊反話啦！好明顯，上半場洛賓堅係俾球員兩度踢腳，應該獲判12碼；反而下半場嗰球，佢全憑出色嘅演技呃到球證，飛身倒地嘅動作，完全同徐子珊拍炸彈爆破戲一樣，假到無倫！炸到飛起！
今屆洛賓暫時係奪世盃影帝嘅大熱，緊隨其後嘅都有巴西靚仔球王尼馬。尼馬好叻叻㗎，喊晒流眼淚又得，仆晒地跪晒草又得，當然插水功夫就更加掂啦！大家睇吓，尼馬成日好誇張咁打晒筋斛落地㗎，總之係咪都跌咗落地先，插咗水先算，球證好易俾佢呃到！尼馬隊友費特演技又係一流，揭幕戰對克羅地亞無啦啦倒地，咁就博到12碼，睇重播真係跌得非常假！最後要提嘅係蘇亞雷斯，咬完基亞連尼後即刻掩住個嘴，扮同情嘅插水演技同樣精湛，可惜最後都俾人罰停賽囉！
「球場演技派」球員又點止得洛賓一個，好戲之人根本就數都數唔晒！洛賓賽後向大家道歉，話自己上半場事實係有插水，但眉精眼企嘅球迷，當然知你講緊反話啦！好明顯，上半場洛賓堅係俾球員兩度踢腳，應該獲判12碼；反而下半場嗰球，佢全憑出色嘅演技呃到球證，飛身倒地嘅動作，完全同徐子珊拍炸彈爆破戲一樣，假到無倫！炸到飛起！
今屆洛賓暫時係奪世盃影帝嘅大熱，緊隨其後嘅都有巴西靚仔球王尼馬。尼馬好叻叻㗎，喊晒流眼淚又得，仆晒地跪晒草又得，當然插水功夫就更加掂啦！大家睇吓，尼馬成日好誇張咁打晒筋斛落地㗎，總之係咪都跌咗落地先，插咗水先算，球證好易俾佢呃到！尼馬隊友費特演技又係一流，揭幕戰對克羅地亞無啦啦倒地，咁就博到12碼，睇重播真係跌得非常假！最後要提嘅係蘇亞雷斯，咬完基亞連尼後即刻掩住個嘴，扮同情嘅插水演技同樣精湛，可惜最後都俾人罰停賽囉！