早前傳出現年31歲嘅日本歌姬中島美嘉，會喺聖誕前註冊結婚，嫁畀拍拖3年、細佢3歲嘅排球選手清水邦廣。

自婚訊傳出後，佢都無正式回應過，而呢位準新娘終於蒲頭，噚日出席著名品牌ChristianDior喺東京搞嘅活動。

美嘉呢一日身穿一襲白色背心裙、左手無名指戴着閃爍鑽戒，風頭蓋過晒同場嘅水原希子、土屋安娜、松田龍平、小雪同法國女星柯德莉塔圖（AudreyTautou）等一班名人。

在場眾多傳媒嘅問題，自然離不開關於美嘉結婚嘅消息，之不過美嘉無論係聽到「會今年結婚嗎？」同「感受如何？」等問題，都一概無反應。

不過結婚始終係值得高興嘅事，直至到臨完場時，當有個男記者同美嘉講「恭喜」，佢先至面帶微笑輕輕點頭，接受別人嘅祝福。


12月15號要記低
SeeSeeTVB．Bloody最威
http://hk.apple.nextmedia.com/tvbloody