昨日是08年元旦，娛樂圈即傳出首宗喜訊，憑劇集《妙手仁心》系列人氣急升的曹永廉，去年與姜大偉和李琳琳的千金姜依蘭奉子成婚，他們的愛兒Brandon昨日出世。阿廉親陪太太進產房，還大讚囝囝樣子標致，他自豪地說：「一定唔醜樣。」

曹永廉和太太姜依蘭（Elaine）去年11月28日奉子成婚，雙喜臨門，二人的愛情結晶品昨日在九龍聖德肋撒醫院出世，是名重5磅半的男嬰。病房中的Elaine精神非常好，她打算以人奶餵哺BB。
元旦榮升爹哋，阿廉昨午在醫院接受訪問時，笑不攏嘴說：「BB預產期本來係下個月初，𠵱家早咗成個月出世，我哋都好緊張，佢自己揀元旦出世，我哋好歡迎呢份新年禮物。」由於BB趕着出閘，部份用品如嬰兒床便急需立即添置。

「不停講笑鼓勵佢」

阿廉表示Elaine除夕夜感到陣痛，即陪伴她進院檢查，昨早醫生檢查發覺BB隨時可以出世，立即安排她進產房，愛妻情切的阿廉不欲太太孤身作戰，遂決定進產房見證囝囝出世這重要時刻，他說：「Elaine都痛咗幾個鐘，等生嘅時候，我不停講笑鼓勵佢，醫生幫佢打咗無痛分娩針就順產生咗BB，咁啱接生嘅醫生都係元旦生日，好巧合。」
這是曹家第一名男孫，中文名字會依族譜改，阿廉說：「中文名會交畀我阿爸同外父（姜大偉）幾位長輩諗，我哋幫BB改咗英文名叫Brandon。」因為BB早產，所以出世要暫放保溫箱護理，阿廉說：「我睇住Elaine生BB時痛得好辛苦，我都好唔捨得，我以後會好好照顧佢哋。當Brandon出嚟嗰一刻，由醫生剪臍帶，但我見到Elaine流晒眼淚，我好緊張又感動。」

姜大偉夫婦趕返港

阿廉大讚Brandon跟他生得餅印一樣，他自豪地說：「BB個樣變化好大，佢個樣順眼，一定唔醜樣。𠵱家佢出咗世，本來以為鬆一口氣，不過變為教養嘅開始，其實仲有排捱。」Elaine的雙親姜大偉和李琳琳夫婦去了加拿大，要明天才返港，而剛拍完新劇的阿廉正好幫手陪月和湊BB，他說：「唔知係咪拍過《妙手仁心》，啲姑娘好細心教我同Elaine點湊BB，應該冇問題。」
採訪：比華利　攝影：陳志嵐

相士話：富甲一方

姜大偉的女兒姜依蘭於08年1月1日下午4時許為曹永廉誕下男嬰，記者昨日致電相士區仲德了解BB的八字，他說：「BB嘅八字屬金，命格就水多，性格硬朗，一生鍾意四圍去，可能會出國留學。財運方面，佢屬『日祿歸時，富甲一方』格，到20歲會喺商界大展拳腳，加上佢分析力好強，好適合從商。」