韓國天團BIGBANG嘅成員勝利繼成員太陽之後出演MBC嘅綜藝節目《我獨自生活》，節目噚晚播出。

勝利喺節目中大晒豪宅之餘，亦有探望剛剛升呢做媽咪嘅鄰居李詩英，勝利仲大展佢嘅刺繡技術，精心整咗小禮物畀李詩英嘅愛兒，而李詩英就提到生B問題，講笑話將來若果有BB，就千奇唔好叫男人湊B，事關佢試過一次叫老公幫手湊B仔，點知愛兒竟然誤會老竇就係阿媽，仲好想食奶，認真搞笑。

而李詩英仲自爆有好多母乳，更笑言下次可用母乳整肥皂送畀勝利，即時令到勝利大感尷尬，唔知畀乜嘢反映好，李詩英話可以準備半年至一年數量送畀勝利，勝利即時抵死話如果自己轉送畀朋友嘅話，就好似流氓一樣。同時節目亦都有公開勝利洗白白嘅鏡頭，粉絲仲將畫面同之前太陽出演時嘅畫面作比較。

更多韓流，喺晒《娛果》
http://fb.com/appledailyent