近數月以來，梁齊昕的ig更新，大都不離兩個字：受傷。千奇百怪的仆街方式，眉角擦傷，兩腳又佈滿瘀傷，令人擔心。

話口未完，日前梁齊昕往捧場欣賞城城個唱時，足踏五吋高跟鞋，結果今次在鏡頭前又狠狠跌一交，難得的是離場時面對鏡頭仍然懂得說笑。

梁齊昕成日仆完又仆，傷痕纍纍，苦了雙腳。既然咁輪盡，不如以後唔好再著高踭鞋啦！梁齊昕接受周刊訪問時就話，佢‧唔‧着‧平‧底‧鞋。

話自己唔可以著平底鞋，但梁齊昕都承認自己真係好輪盡，成日整爛嘢。佢又話之前潛水同搭飛機都會耳仔痛，可能係耳水不平衡所致，仲話佢都諗住去check下添。

總之小心啲啦！