當年今日
關於我們

【你會點揀?】Cool魔任集郵vsSam哥講明臭臉

蘋果日報 2013/12/28 06:00

微博張智霖吳鎮宇集郵cool魔Sam哥臭臉

俾個選擇你,你喺條街度,只可以撞到佢兩個其中一個——Cool魔張智霖同Sam哥吳鎮宇,你會揀邊個?

揀Cool魔嘅話,你應該會得到一個熱情的甜笑(是否一瞬即逝視乎當時環境及當時人心情及狀態),然後,可能,有機會,或者可以,集郵成功,換得一張合照。

咁,如果你揀咗Sam哥吳鎮宇呢?唔使估,佢自己親自話你知,到時會點。Sam哥剛才更新微博,寫道:「我真的是一個愛自我的人,也不懂裝親切,請不要煩我,尤其在街上,我會很臭臉,去找那些可愛旳親切的,你們會好過點!」

拿,你愛笑臉定係愛臭臉呢?自己揀喇。不過唔少內地網民仍甘之如飴:「讓我在街上碰到你吧,看你臭臉也高興。」、「一眼萬年,一眼滿足」,亦有人話:「真是矛盾,不成名時沒人看,成名之後看人煩。」、「其實在街上看到你會被你的氣場震懾住而不敢上前吧。」、「以後遇到你只能默默看著,傷心。」其實鎮宇只係請fans唔好喺條街度纏住佢合照或攞簽名而已,唔代表佢見親fans都黑面0架嘛!