【男友支持】落力排舞準備紅館開騷 JW話會再邀請黎明做嘉賓

蘋果日報 2017/09/13 21:22

黎明紅館開騷jw王灝兒
    王灝兒（JW）今日嚟到商台為明年一月初紅館演唱會作宣傳，佢透露已落實演唱會名叫《Never too early》，仲話覺得今次紅館機會係上天畀自己最好禮物添！這些機會，陳曉東都等唔到…
    上次JW喺Star Hall舉行嘅演唱會安排咗廿多位舞蹈員伴舞，今次JW決定唔用太多舞蹈員，想將焦點集中自己身上，佢話：「我已經開始排舞，用三個月時間去排，我諗過想著波鞋或赤腳咁跳，咁先可以展示自己活力，不過未同公司講。」跳舞導師指好大機會雙腳起水泡，問到男友會否見佢攰而主動按摩？佢話：「有時我哋肩膊攰，都會互相按下肩膊，又會一齊出去按腳。」
    JW今次開騷除咗獲男友體貼支持，男友父母亦表示會支持，佢話：「Uncle Auntie好支持我，好鍾意我嘅音樂，o依家同公司傾緊點合作，之前佢哋已經支持江若琳個騷，所以佢哋好支持香港樂壇。」搞掂紅館騷後，之後係咪會出嫁？佢甜笑話：「未呀，暫時專心紅館，嚟緊希望有機會到廣州、清遠同佛山同Fans見面。」上次演唱會請唔到舊老闆黎明任嘉賓，佢話：「會再邀請，始終係佢帶我入行，係恩師，如果做唔到嘉賓都想邀請佢嚟睇。」
    empty
    王灝兒（JW）今日嚟到商台為明年一月初紅館演唱會作宣傳。
    empty
    JW今次開騷除咗獲男友體貼支持，男友父母亦表示會支持。
    empty
    上次演唱會請唔到舊老闆黎明任嘉賓，佢話今次會再邀請。