金像影后姬妮芙柏露(GwynethPaltrow)早前控告一名滋擾咗佢17年嘅66歲狂迷,指控該狂迷對佢嚴重滋擾。呢名叫DanteSoiu嘅66歲男子喺09年至15年期間,合共寫咗66封信件同送上耳環、衣物、色情影片同性玩具等唔同禮物俾姬妮芙,佢寄俾姬妮芙嘅寄件更令人不寒而慄,內容提到要用解剖刀將姬妮芙身上罪孽切出嚟,令姬妮芙感到生命受到威脅。
案件今日作出裁決,陪審團認為冇證據顯示Dante會傷害姬妮芙,而佢寄俾姬妮芙嘅信件喺上次官司亦有呈堂,當時佢亦冇被定罪,故判佢無罪釋放,亦唔需要入院接受心理治療。Dante代表律師話佢無意傷害姬妮芙,只係向姬妮芙示愛,而Dante日後亦唔會到洛杉磯接近姬妮芙
Dante曾於2000年因為騷擾姬妮芙,被法庭送入精神病院治療多年,直至2015年佢再因為騷擾姬妮芙被拘捕。