馮仁昭四圍超：
陪周立璟AnaR.蒲Rosemary驚青
蘋果日報 2004/02/23 00:00
周立璟同AnaR.已經係公開嘅一對，不過佢哋見到傳媒，仍然好避忌。噚日凌晨兩點幾，記者喺中環擺花街熱門蒲點FLY門口，首先見到Rosemary、樂基兒、AnaR.同一名女model一行四人喺FLY走出嚟，見到記者影相，Rosemary表現得最驚青，不時彈左彈右，想避記者鏡頭，莫非佢驚見報之後，又俾阿媽𠵱𠵱哦哦話佢好去蒲？
一齊上Benz
四個靚女急急腳行開之後十五分鐘，周立璟同一個外籍女士先至行出FLY，周立璟喺門口不停講電話，好快Rosemary、樂基兒、AnaR.同女model就出現番，之後重同周立璟上咗架Benz，唔知係咪趕去下場呢！
陳慧珊做瑜伽演十三姨
陳慧珊噚日喺何文田習武，佢話遲啲返內地拍劇集飾演好好打嘅十三姨，所以𠵱家成日去做瑜伽拉筋，陳慧珊重話肥咗十一磅，佢話：「因為之前休息咗成個月，所以𠵱家要做運動收身。」
四個靚女急急腳行開之後十五分鐘，周立璟同一個外籍女士先至行出FLY，周立璟喺門口不停講電話，好快Rosemary、樂基兒、AnaR.同女model就出現番，之後重同周立璟上咗架Benz，唔知係咪趕去下場呢！
陳慧珊噚日喺何文田習武，佢話遲啲返內地拍劇集飾演好好打嘅十三姨，所以𠵱家成日去做瑜伽拉筋，陳慧珊重話肥咗十一磅，佢話：「因為之前休息咗成個月，所以𠵱家要做運動收身。」
佘詩曼噚日到荃灣任新樓盤設計比賽頒獎嘉賓，有指無綫成立「主題曲和插曲」部門，阿佘承認獲無綫安排試音，佢話：「本身都想唱主題曲，因為可以令觀眾投入啲，同埋係藝人嘅權利嘛。」阿佘近日接拍富豪海灣宣傳特輯，有報道話演出嘅藝人冇收酬金，發展商改用優惠價畀佢哋買樓，阿佘好大反應話：「冇，太貴嘞，努力多幾年先可以諗。」
吳啟華早前因為被傳媒影到佢喺內地攜女伴返酒店消遣，被懷疑召妓，形象一度受損，但據聞無綫最後都起用佢拍劇集《妙手仁心Ⅲ》，扮演醫生男主角。馮仁昭聽聞吳啟華拍《妙Ⅲ》前，會先喺上海拍內地劇《流氓醫生》，同樣係扮醫生，重會同好友蔡少芬、王傑拍檔。
周立璟打電話畀女友AnaR.，似乎重有下場。
陳慧珊
佘詩曼
吳啟華
資料圖片
資料圖片