同卓林講?吳綺莉:你走吧,希望你好

蘋果日報 2017/08/22 00:00

facebook吳綺莉電話訪問卓林

吳綺莉早前與17歲嘅女兒吳卓林因為交友問題,發生爭執。直至今年六月卓林出院返屋企,二人終於和好如初,卓林亦表示從來冇嬲過媽咪。

前日吳綺莉突然喺facebook發文,並上載卓林嘅童年照,話要學習放手,並留言「有誰不希望自己的父母有能力又聽自己的話,自己想怎樣就怎樣,但你命唔好,那就離開吧!做人靠自己,無人可以幫倒你,不可以忘本,因為孩子太多了,你不是中國人,媽媽好難過,但也要學習放手,你走吧,希望你好,永遠愛你。」文章惹來網民猜測,卓林係咪要搬離家自立。

吳綺莉昨日接受《蘋果》電話訪問時否認:「唔係講個女,係大家聯想啫。只係覺得香港人住喺度,但成日有人遊行,搞到其他人唔敢嚟香港,我唔係想講政治,只想香港好。」