路姆西喺香港已經斷貨，宜家話要1月先返貨，有唔少人喺facebook或者討論區話未入到手；不過買唔到路姆西，其實還有不少不俗的選擇。好似最近本地Figure教父MichaelLau最近再有新搞作，再次以經典Gardener角色推出12吋ActionFigure，採用當中的寵物狗角色BB作今次主角。

今次繼續找來HotToys負責，確保製作質素，同時間加入唔少新元素，例如今次BB層毛巾料的表皮可以除下，而內裏竟然是似足《進擊之巨人》嘅肌肉層，相當有驚喜。另外，今次更首次為包裝搞搞Gimmick，因應今次是寵物狗主題兼用毛巾料，MichaelLau想到將包裝盒變成方形Cushion，令包裝盒變得更實用。

一如既往，今次BB只屬限量發售，只生產600隻，每一隻Figure亦有一塊骨頭形牌列明編號。BB可於最銅鑼灣新開張的時裝店GUMGUMGUM發售，既然要等路姆西一月返貨，不如支持下本地誠意製作仲好。