【蟻俠襲台】保羅活特親民遊寶島 中正紀念堂派簽名
保羅活特Ant-Man And The Wasp伊雲祖蓮莉莉蟻俠2:黃蜂女現身
「蟻俠」保羅活特今日抵台即到處觀光,對台迷更有求必應。 (台灣蘋果)
Marvel超級英雄新片《蟻俠2:黃蜂女現身》(Ant-Man and the Wasp)安排下月3日在港上映,兩位主角已抵達台灣展開一連串宣傳活動,「蟻俠」保羅活特(Paul Rudd)今晨甫抵埗即到中正紀念堂及故宮博物院參觀。
「蟻俠」保羅活特今日大清早5時從紐約飛抵台灣,佢到酒店稍做休息後,上午即到中正紀念堂參觀,然後再到周三假兩廳院藝文廣場舉行首映紅地毯嘅場地視察一番。
今日台北下着微雨,但冇破壞保羅活特心情,更冇受時差影響,現場有數名粉絲要求合照及簽名,面帶笑容嘅保羅都冇托手踭。
及至下午,佢現身故宮博物院,在工作人員陪同下邊聽解說員介紹,又欣賞毛公鼎、翠玉白菜,更拿起手機拍下肉形石,完全唔覺有半點疲態。保羅離開故宮後,直奔萬華龍山寺,見佢對亞洲宗教相當好奇,不時拿起手機拍攝。
精選娛聞,喺晒《娛果》
http://fb.com/appledailyent