何佩瑜（Jeana）今晚真空透視短裙現身郭穎兒（Celia K.）同JM舊愛李冠鋒嘅婚宴，佢透露今晚送現金做禮。

被問到點解單拖到場，Jeana話男子翁子光因為拍戲唔喺香港，講到會唔會因為去飲而有結婚衝動？Jeana話：「睇下接唔接到花球啦！我會努力爭取飛奔出去。（想結婚？）事業多幾年先啦，出年有新動向，工作落實先講，好期待新工作。」問佢男友有冇同佢求婚？Jeana就話佢喺廣西北海拍戲，下個月會去探班一個月，佢話咁啱自己都喺附近拍戲，所以可以去探班。