【本報訊】特區政府官員突然「打倒昨日的我」，堅稱中聯辦非《基本法》22條規管機構之一，林鄭更以「別有用心」形容有關中聯辦「干預」的批評。「事實如果中聯辦唔係22條之一嘅中央機構，基本上冇（法律）適用於佢，真係可以自由地干預特區內部事務」，港大法律學院公法講座教授陳文敏直指，中央政府在港設立三個駐港機構，格局相當清楚，外交、防務及處理中港關係屬香港自治範圍外，其他由香港自行處理，「點可能突然間話中聯辦對香港有監督權，然後林鄭又會匆匆附和？」

不容隨便對《基本法》加料

林鄭2017年3月底當選特首後曾指，香港內部及高度自治事務需要立法會批准，由特首、政府的管治團隊及公務員負責，毋須中聯辦朋友「操心」。陳文敏接受本報訪問時指，引發今次中聯辦「釋法」爭議的是立法會內務委員會民主派的拉布問題，屬於香港自行處理的內部事務，中央無權干預：「如果你（中聯辦）覺得搞得唔好，要處理，對口係香港行政單位，話中聯辦對此（立法會）有監督權係搞唔掂」。

陳強調中央在香港的權限受約制，不可超越，「全部嘢《基本法》有晒規劃，中聯辦喺香港內務冇角色，如果喺22條之外，真係冇王管」，又指政界連日也重提，首任中聯辦主任姜恩柱在其回憶錄提及，新華社香港分社回歸後易名中聯辦後，職能也要改變，不干預香港自治範圍內的事；而中聯辦現時所載的五大職能範圍中，四項也只關於聯繫，未見監督權，陳文敏坦言：「（職能）逾20年嚟冇改變，（中聯辦）明顯夾硬嚟釋法」，強調若容許中聯辦隨便對《基本法》「加料」，「《基本法》就會變晒樣」。

而在中聯辦連珠炮發後，陳坦言「恐嚇」已有效果，「政府幾度改聲明，已經等於係干預」，強調對於香港事務，中央還是少講為妙，「話咗香港係高度自治，但如果有人喺你身邊指指點點，咁樣仲點算係高度自治？市民對一國兩制信心都會大減」。
■記者許偉賢