當年今日
關於我們

父母寵愛有加兄妹血濃於水
楊思琦曳曳 哥哥受罰

蘋果日報 2003/06/24 00:00


楊思琦從小到大都得到父親的偏心和疼愛,她的哥哥不但沒有感到妒忌,反而對這位小妹妹愛護有加,有一次為了逗妹妹開心,在捉海星時不幸被蠔殼弄致損手爛腳,令思琦既內疚又感動。
深受無綫上下寵幸的楊思琦,小時候經已是父母的掌上明珠。思琦憶述小時候與年長兩歲的哥哥一起犯錯,父親通常只會懲罰哥哥,對她只是責罵一兩句便算。思琦說:「我唔係滑頭,但比起哥哥,我會比較多嘢講,個人活潑啲。相反,哥哥個人好靜,上到中學之後重少嘢講,可能因為咁嘅原因,所以爸爸錫我多啲。」

「哥哥好錫我」
一個得寵一個失寵,思琦出奇地沒有遭哥哥妒忌。她說:「唔單止從來未試過,相反地,哥哥細細個已經好錫我㖭!記得有一年我哋成家人去沙灘玩,我見到啲海星好得意,於是同哥哥講好想去捉海星。哥哥聽完之後二話不說就走去捉,點知捉海星嘅時候俾啲蠔殼𠝹損咗,手手腳腳全部都係血,嚇到我死死吓,唔知點算好。後來爸爸即刻送咗哥哥去急救,跟住嘅事我已經唔記得喇!」
思琦哥哥早前在美國讀書,思琦又一直忙於拍劇,雖然各有各忙,但兄妹感情從來沒有改變。
思琦哥哥上月在美國洛杉磯修畢碩士課程,思琦因工作未能與父母前往美國出席哥哥的畢業禮,令她感到有點遺憾。
採訪:戴彩煥
empty
楊思琦(右)和哥哥(左)年少時在酒樓偶遇劉德華,二人把握機會與大明星合照。
empty
楊思琦(左):快啲去同我捉海星呀!
設計對白
empty
楊思琦(右)
empty
楊思琦:我個樣咁甜,梗多人錫㗎。
設計對白