為期10日嘅「第23屆釜山國際電影節」噚日正式開幕，香港導演關錦鵬噚日就率領鄭秀文、梁詠琪、趙雅芝及白百何現身紅地毯開幕儀式，宣傳電影《八個女人一台戲》。

今日五人又現身記者會，鄭秀文曾經於13年前跟關錦鵬到釜山宣傳《長恨歌》，今次又再跟導演來釜山宣傳另一部電影，鄭秀文就喺現場話：「好開心跟導演喺13年後再次嚟到釜山，當時我身體狀況唔係咁好，好高興恢復健康嘅身心後，再次回來。」而幾位女星在韓媒高清鏡頭下仍然保持到靚樣。

另外，白百何同鄭秀文拍完電影變成好友，今日白百何就喺微博上載多張同鄭秀文嘅合照，又高呼：「我和我的女朋友Mi」。

更多韓流，喺晒《娛果》
http://fb.com/appledailyent