日本影后中山美穗不時透過twitter抒發感情，早前就忽然留言大談乸型，擺明係寸爆形象中性嘅前夫辻仁成。

美穗與前夫辻仁成關係急轉直下，美穗被爆離婚前已搭上肥嘟嘟音樂人澀谷慶一郎，仲為姦夫放棄11歲大兒子嘅撫養權。美穗日前又喺twitter有感而發：「我愛的人令我感到絕望。」雖然冇提到係邊個令佢咁激心，但唔少網友都留言安慰美穗，相信係受佢同囝囝越來越疏離嘅關係所困。

美穗今年初被目睹同澀谷慶一郎去中目黑酒吧談心，當佢哋帶醉離去時，美穗醉倒街頭，仲畀男友狠狠踢咗一腳，點知日前美穗同男友夜遊代官山，從一間cafe步出後更恩愛拖手，係佢疑受到暴力對待後，首次被拍下感情依舊恩愛，唔通真係打者愛也？