13歲已經同瓊瑤簽約、樣貌楚楚可憐嘅台灣女星陳德容，1992年因同馬景濤合作拍攝劇集《梅花三弄之梅花烙》而爆紅，唔講大家未必記得，佢之後仲嚟香港拍亞視劇集《女幹探》同《新包青天之英雄本色》、而郭富城首《沒有你的愛》MV的女主角，亦係佢。

全盛時期，陳德容一年有4套電視劇上映，都咪話唔巴閉，不過2011年，36歲嘅陳德容同做地產生意嘅王贊策結婚後，就養尊處優，婚後佢拍嘅劇，就真係一隻手都數得晒。

嗱，已經好耐冇喺台灣公開露面嘅陳德容，噚日就出席咗一個護膚品活動，今年已經44歲嘅佢，一啲歲月留痕嘅跡象都冇，佢依家嘅樣貌同20歲時幾乎一樣，而且臉部皮膚分分鐘仲緊緻過以前，加上無論臉上、頸等等地方，仲要係一條紋（冇錯，係一條都冇），難怪被台灣人指係「超恐怖凍齡」。

精選娛聞，喺晒《娛果》
http://fb.com/appledailyent