上星期lMF國際貨幣基金組織發表了對 香港 地產意見，認為香港樓價今年會下跌6%，香港政府應該撤銷15%從價印花稅，待那些已有一個住宅單位的香港業主買多一個，甚至幾個單位，此舉可以阻止樓價下跌。在過去10幾年，IMF指點過香港地產政策不知多少次，每一次都是叫香港加辣，我記憶所及，今次是第一次提議香港政府減辣，但我我認為IMF唔講好過講，叫香港政府撤銷從價印花稅來救樓市，代表IMF不了解樓市，如果香港政府表態話會考慮IMF的提議，樓宇銷售量立刻會下跌，因為那些唔介意畀15%從價印咗花稅買樓的人會等一等，如果政府聽IMF的提議就會慳回不少印花稅。

點解我會話IMF不了解香港地產，因為我打死都唔相信IMF知道香港樓市有所謂「丁權」，就是首次買樓的 香港人 只需要畀正常印花稅，買第二個住宅單位就要畀從價印花稅，很多香 港人 買樓是沒有迫切性需要，只不過是不想浪費丁權，如果取消從價印花稅，即是取消丁權，成交量又怎會上升，IMF如果要幫香港，不如提議政放寬逆週期措施，令到財政上捉襟見肘可以紓緩一下，不用賣走一些物業來解決問題，樓價下跌壓力亦會減少，而且，放寬逆週期措施又不需要通過立法會，一切簡單得多。